خـــــــــــــد سهمـــك وروح لامــــــــــــك

يا عينـــــــى عليكى يا مصر اتبهدلتى قوى والله يا أختى .مش عارفين هيعملوا ايه معاكى تانى بعد خصخصه الشركات وغلو الاسعاروالبورصه الماليه والحصبه الالمانيه والمصايب اللى عماله ترخ علينا . قال ايه اخويا عاوزين يلطخونا على قفانا ويقولوا خايفين علينا قال ايه هيدوا كل واحد من الشعب صك والصك ده يعنى اسهم هايخدها على شكل كوبون (صك) وقال ايه اول لما طلعواقالوا نصيب الفرد 2000 جنيه وبعد كده جالنا وزير الاستحمار قصدى الاستثمار جاى بيقول مئات وانا زمانت قالولى فى المدرسه ان البضع ده من 3 الى 9 يعنى هما كده مش هايدونا 2000 ج هيايدونا من 300 الى 900 يعنى من الاخر كالعاده ان احنا بيضحك علينا وبنتسرق عينى عينك . يلا بقا ما تنسوش كل واحد يروح ياخد الصك ويقعد عند امه لغايه لما يخصخصوا البلد كلها والاثار والمعالم التاريخيه بس على فكره انا مش هتنازل عن مناخير ابو الهول.

الســح أنـــدح امبوووووو الغد ولاعوههههههههه

ولعها ولعها شعللها شعللها

بلطجيه موسى اللى ولعوها

بالذمه يا ناس ياعاقلين ده كلام يعنى مش عاوزين يسيبوا الراجل فى حالوا كمان يولعوله فى الحزب ولا كأننا فى بلاد نمنم ولسه هنشوف كمان وكمان يولعوا فى الحزب ويتهموا اعضاء الحزب انهم ولعوه يعنى يقتلوا القتيل ويمشوا فى جنازتوا .بلطجيه موسى فى انتعقاد الجمعيه العموميه لحزب الغد قامت معركه بين جبهه موسى مصطفى موسى وبين اعضاء الحزب لو كنت واقف ساعه انعقاد الجمعيه متقولش ان احنا فى مصر ولا حتى غزه ولا حتى فى بلاد مسلمين كأنك فى البوسنه والهرسك والله حاجه تحزن . ولعها ولعها شعللها شعللها ده شعار جديد اتخذوا جبهه موسى لا وايه مختار شويه عيال وبلطجيه يقولوا شعارات مش فاهمنا اساسا. تقريبا لقاهم فى فرح بلدى قال لما اجيبهم يهيصوا شويه فى انعقاد الجمعيه ياعم دول مكنوش بيهتفوا دول كانوا بيرقصوا غير بقا شويه الهتافات اللى تفطس من الضحك اللى ملهاش اى اساس من الصحه وبعديها الحاج موسى قرر انوا يحرق الحرب باللى فيه لالا استنوا ده مش بس قرر انوا يحرق الحزب بس ده حرق العماره كلها برافوا برافو بقا عماره من اشهر عمايروسط البلد يحصل فيه كده بردوا هو فى ايه بالظبط احنا بقينا فين احنا مش عارفين والله ايه اللى هيحصل تانى فى مصر وفى نهايه الفيلم تيجى الحكومه وتقبض على المظلوم ويخلص الفيلم على كده وتتوالى احداث الظلم وتحيا مصر .

وحشنــــــــا نـــــــــــــور النهـــــــــــــــــــــــــــــار

الى كل من يبحث عن لحظة الدفا

أعزائى زوار مدونتى لقد قمنا بتطوير المدونة و سوف نقوم بالتواصل من جديد فى الأيام المقبلة